មុខសញ្ញាគ្រឿងញៀន២នាក់ ត្រូវនគរបាលចាប់ខ្លួន ជាមួយនឹងថ្នាំញៀនMDMA ៣៨គ្រាប់
15-February-2019 | ដោយ ពលមនសិការ
ព្រះសីហនុ៖ លោកឧត្តមសេនីយ៍ត្រី ស៊ុន សុផាត ស្នងការរងទទួលផែនប្រឆាំងបទល្មើសបានឲ្យដឹងថាៈ នៅយប់ថ្ងៃទី១៣ ខែកុម្ភៈ ឆ្នាំ២០១៩ វេលាម៉ោង ២២នឹង៣០នាទី កម្លាំងជំនាញនគរបាលប្រឆាំងគ្រឿងញៀន បានបង្ក្រាបបទល្មើសគ្រឿងញៀនមួយករណី ស្ថិតនៅក្រុម១០ ភូមិ៣ សង្កាត់លេខ៣ ក្រុង/ខេត្តព្រះសីហនុ។
លោកស្នងការរងបន្តថាក្នុងប្រតិបត្តិការខាងលើកម្លាំងជំនាញបានឃាត់ខ្លួនជនសង្ស័យម្នាក់ ឈ្មោះ សៀ រិទ្ធីស័ក្ក ភេទប្រុស អាយុ១៨ឆ្នាំ មុខរបរមិនពិតប្រាកដ។
សមត្ថកិច្ចបានដកហូត៖ថ្នាំញៀន ប្រភេទ MDMA ចំនួន៣៨ គ្រាប់ និង ទូរសព្ទ័១គ្រឿង។ បន្ទាប់ពីបានសួរចម្លើយ ឈ្មោះ សៀ រិទ្ធីស័ក្ក បានបង្ហាញ សមត្ថកិច្ចទៅឃាត់ខ្លួនឈ្មោះពុធ រតនៈ ភេទប្រុស ជនជាតិ ខ្មែរ មុខរបរ មិនពិតប្រាកដ និង មិត្តភ័ក្ដិ ចំនួន៤នាក់ទៀត។ បន្ទាប់ពីបានសាកសួរបន្ថែម ជនទាំង៤ ពុំមានការពាក់ព័ន្ធ នឹងបទល្មើសគ្រឿងញៀន សម្ថកិច្ចបានអនុញ្ញាតឲ្យត្រឡប់មកវិញ។ ករណីនេះសមត្ថកិច្ចជំនាញ កំពុងកសាងសំណុំរឿង តាម នីតិវិធីបញ្ជូន ទៅសាលាដំបូង៕
ចំនួនអ្នកទស្សនា
- ថ្ងៃនេះ2701
- ម្សិលមិញ11441
- សប្តាហ៍នេះ32531
- ខែនេះ147681
- ឆ្នាំនេះ147681
- សរុប20590137